Health is wealth
Thursday, September 30, 2021
चेन्नाई प्लेअफमा हैदरावाद बाहिरियो
१५ असोज, काठमाडौं । महेन्द्र सिंह धोनीको कप्तानीमा रहेको चेन्नाई सुपर किंग्स ईन्डियन प्रिमियर लिग (आईपीएल) २०२१ को प्लेअफ पुग्ने पहिलो टिम बनेको छ ।
बिहीबार भएको खेलमा सनराइज हैदरवादलाई ६ विकेटले पराजित गर्दै चेन्नाईले अन्तिम चारमा स्थान पक्का गरेको हो ।
११ खेल खेल्दा ९ खेल जितेको चेन्नाई १८ अंकसहित शीर्ष स्थानमा छ । समान खेलबाट जम्मा २ जित हात पारेको हैदरावाद ४ अंकसहित पुछारमा छ ।
युएईको शारजहाँमा भएको खेलमा हैदरावादले दिएको १३५ रनको लक्ष्य चेन्नईले १९.४ ओभरमा ४ विकेट गुमाएर पूरा गरेको हो ।
अन्तिम दुई ओभरमा जितका लागि १६ रन चाहिएको अवस्थामा कप्तान धोनी र अम्बाती राएडुले चेन्नाईलाई २ बल बाँकी छँदै जित दिलाए ।
१९औं ओभरमा चेन्नाईले १३ रन जोडेपछि अन्तिम ओभरमा सहजै जित हात पारेको हो ।
चेन्नईको जितमा ओपनर रुतुराज गायकवाडले सर्वाधिक ४५ रन बनाए अर्का ओपनर फाप डु प्लेसिसले ४१ रन जोडे । अम्बाती रायडुले १३ बलमा अविजित १७ रन बनाए । कप्तान धोनीले ११ बलमा अविजित १४ रन जोडे ।
हैदरावादका जासन होल्डरले ३ तथा राशिद खानले १ विकेट लिए ।
त्यसअघि टस हारेर पहिले ब्याटिङ गरेको हैदरावादले २० ओभरमा ७ विकेट गुमाएर १३४ रन बनाएको थियो ।
हैदरावादका ओपनर ऋद्दिमान शाहले सर्वाधिक ४४ रन बनाए । अविशेक शर्मा र अब्दुल समादले १८-१८ रन जोडे भने राशिद खान १७ रनमा अविजित रहे ।
चेन्नाईका जोश हाजलउडले ३ विकेट लिए भने ड्वाने ब्राभोले २ तथा शार्दुल ठाकुर र रविन्द्र जडेजाले समान १ विकेट लिए ।
from Online Khabar https://ift.tt/3ATE0gx
आज ज्येष्ठ नागरिक दिवस, ६० वर्ष माथिकालाई एनटिसीको सिम निःशुल्क
१५ असोज, काठमाडौं । अन्तर्राष्ट्रिय ज्येष्ठ नागरिक दिवस आज नेपालमा पनि मनाइँदै छ । यही दिवसको अवसरमा नेपाल टेलिकमले ६० वर्ष माथिका ज्येष्ठ नागरिकहरुलाई सिमकार्ड निःशुल्क दिने भएको छ । निःशुल्क सिमकार्ड यही असोज २५ गतेसम्म मात्र पाइने छ ।
यो सिममा १० रुपैयाँ मात्र ब्यालेन्स हुनेछ । ४० मिनेटसम्म कुरा गर्ने, २० वटा एसएमएस पठाउने र ६० एमबी डाटा प्रयोग गर्न सकिने सुविधा छ । तर यी सबै सुविधा एक महिनाभित्र प्रयोग गरिसक्नुपर्छ ।
संयुक्त राष्ट्रसंघको आह्वानमा विश्वभर अक्टोबर एक तारिखमा अन्तर्राष्ट्रिय ज्येष्ठ नागरिक दिवस मनाइन्छ । सन् २००१ देखि हरेक वर्ष ज्येष्ठ नागरिकको सम्मानमा यो दिवस मनाउने गरिन्छ । यस वर्षको ज्येष्ठ नागरिक दिवसको नारा ‘सबै उमेर समूहका लागि विद्युतीय प्रविधिको प्रयोगमा समानता’ तय गरिएको छ ।
ज्येष्ठ नागरिकहरुको सम्मानमा सरकारले मासिक चार हजार रुपैयाँ भत्ता उपलब्ध गराउँदै आएको छ । तत्कालीन प्रधानमन्त्री मनमोहन अधिकारीको पालामा ज्येष्ठ नागरिकहरुलाई मासिक एक सय रुपैयाँ दिएर यसको सुरुवात गरिएको थियो ।
सरकारले ज्येष्ठ नागरिकहरुको स्वास्थ्य उपचारमा सहुलियत, गाडी भाडामा ५० प्रतिशत छुट, सरकारी कार्यालयमा लाइन लाग्न नपर्ने लगायतका सुविधा दिंदै आएको छ ।
from Online Khabar https://ift.tt/3kUDzwO
कर्णाली सरकारको ओएनएम कार्यान्वयन नगर्न अन्तरिम आदेश
१५ असोज, सुर्खेत । कर्णाली प्रदेश सरकारले बनाएको संगठन, संरचना तथा दरबन्दी (ओएनएम) कार्यान्वयन नगर्न उच्च अदालत, सुर्खेतले अन्तरिम आदेश दिएको छ ।
प्रदेशको जलस्रोत तथा ऊर्जा विकास मन्त्रालयका कर्मचारीहरुका तर्फबाट दायर भएको रिटमा अदालतले बिहीबार ओएनएम अगाडिकै संरचनालाई यथास्थितिमा राख्न आदेश दिएको हो ।
ओएनएम स्वीकृत गरेर प्रदेश सरकारले संघीय निजामती समायोजन ऐनबमोजिम समायोजन भएर कर्णालीमा कार्यरत कर्मचारीहरुको दरबन्दी कटौती गरेको भन्दै जलस्रोत तथा ऊर्जा विकास मन्त्रालयका प्राविधिक कर्मचारीले उच्च अदालतमा रिट निवेदन दाएर गरेका थिए ।
प्रदेश सरकारको उक्त निर्णयले कर्मचारीको वृत्ति विकासमा असर पर्ने, सेवा समूह÷उपसमूहको विषय विज्ञतालाई असर पर्ने र प्रदेश सरकारले आफनो ऐन कानुन नबनाएर संघीय ऐन कानुनको वर्खिलाप हुने गरी ओएनएनम स्वीकृत गरेको निवेदनमा उल्लेख छ ।
सोही रिट निवेदनका आधारमा अदालतले निवेदकहरुको विज्ञता र दक्षता अनुसार हाल काम गरी आएको सेवा, समूह र उपसमूहमा खटाउन अन्तरिम आदेश दिएको हो । अन्तरिम आदेशमा भनिएको छ, ‘प्रदेश सरकार र संवन्धित कार्यालयहरुले निजहरुबाट सेवा लिन सक्नेगरी प्रस्तुत निवेदनको अन्तिम टुंगो नलागेसम्म कर्णाली प्रदेश सरकारबाट २०७६ भदौ ६ गते र २०७८ साउन २९ मा भएको निर्णय कार्यान्वयन नगर्नू÷नगराउनू यथास्थितिमा राख्नू भनी विपक्षीहरुका नाममा अन्तरिम आदेश जारी गरिएको छ ।’
०७६ भदौ ६ गतेको प्रदेश मन्त्रिपरिषदको बैठकले प्रदेशअन्तर्गतका मन्त्रालय, सचिवालय, आयोग र कार्यालयमा १ सय ५९ इकाइ र ती इकाइहरुका लागि २ हजार ५ सय ५५ कर्मचारी रहने गरी संगठन, संरचना तथा दरबन्दी (ओएनएम) स्वीकृत गरेको थियो । त्यस्तै २०७८ साउन २९ गते प्रदेशको जलस्रोत तथा ऊर्जा विकास मन्त्रालयको ओएनएम स्वीकृत गरेको मन्त्रालयका प्रवक्ता केशव उपाध्यायले बताए ।
संघीय निजामती समायोजन ऐन बमोजिम समायोजन भएर कर्णाली प्रदेशमा कार्यरत कर्मचारीको दरबन्दी कटौती गरेको भन्दै यसअघि वन र स्वास्थ्य तर्फका कर्मचारीले उच्च अदालत सुर्खेतमा प्रदेश सरकारविरुद्ध रिट दायर गरेका थिए ।
सरकारले बनाएको सांगठनिक संरचना र दरबन्दी अव्यवहारिक रहेको भन्दै त्यस्तो दरबन्दी कार्यान्वयन नगर्न अदालतले सरकारका नाममा अन्तरिम आदेश दिएको थियो ।
सोही अनुसार सरकारले केही कार्यालयलाई यथावत राख्ने र फाजिल कर्मचारीलाई जिम्मेवारी दिन ओएनएम समेत संशोधन गरेको थियो ।
यसबाट संघीयताको मर्मअनुरुप स्थापना भएका संरचनाबारे अन्योल सिर्जना भएको छ । प्रदेश सरकारका पूर्व मुख्यन्यायाधिवक्ता विद्याभूषण मानन्धरले अन्तरिम आदेशले अन्योलता सिर्जना गरे पनि अन्तिम फैसला भइनसकेकाले तत्काल ओ एन्ड एमको भविष्यबारे चिन्ता लिनु नपर्ने बताए । संघीयताको मर्म, आवश्यकता र संघीय कानुनले दिएको अधिकार प्रयोग गरी ओएनएम गरिएको उनको भनाइ छ ।
‘अदालतको आदेश हाम्रालागि मान्य छ । तर, कर्मचारी समायोजन ऐनबमोजिम प्रदेश सरकार वा स्थानीय तहले आवश्यकताअनुसार संगठन संरचना वा दरबन्दी थपघट, हेरफेर वा परिमार्जन गर्न सक्ने स्पष्ट कानुनी व्यवस्था रहेको छ । त्यही आधारमा प्रदेशले ओएनएम स्वीकृत गरेको हो,’ मुख्यमन्त्री तथा मन्त्रिपरिषद कार्यालयका प्रवक्ता केशव उपाध्यायले भने, ‘उक्त व्यवस्था बमोजिम नेपालको संविधानद्वारा प्रदत्त अधिकार, कानुनी प्रावधान र प्रदेशको आवश्यकता बमोजिमको संगठन संरचना र कर्मचारी दरबन्दीमा परिमार्जन गरी कार्यान्वयन गरिएको हो ।’
from Online Khabar https://ift.tt/3a0mUl7
एमालेको विधान महाधिवेशन सुरु हुँदै, हुने छैनन् पार्टीका पूर्वप्रमुखहरु
१५ असोज, काठमाडौं । नेकपा एमालेको विधान महाधिवेशन आजबाट ललितपुरको गोदावरीमा सुरु हुँदै छ । करिब ६ हजार जना प्रतिनिधिहरु सहभागी हुने यो महाधिवेशनले आगामी पाँच वर्षका लागि पार्टीको सांगठनिक संरचना र राजनीतिक कार्यदिशा तय गर्ने छ ।
माओवादीसँगको पार्टी एकता बदर भएपछि एमाले पूर्ववत अवस्थामा फर्किएको, पाँच वर्षसम्म सरकार सन्चालनको जनमत पाए पनि तीन वर्षमै सरकार ढलेको, सरकारको नेतृत्व गर्दा दुई पटकसम्म विघटन गरेको संसद सर्वोच्च अदालतले व्युँताइदिएको र यही विवादका कारण एमाले फुटेको अवस्थामा आयोजना गरिएको विधान महाधिवेशनलाई चासोका साथ हेरिएको छ ।
विधान महाधिवेशनमा एमालेका पूर्वप्रमुखहरु कोही पनि नरहने भएका छन् । पूर्व पार्टी प्रमुख एवम् पूर्वप्रधानमन्त्रीहरु माधव नेपाल र झलनाथ खनालले एमालेबाट अलग भएर नेकपा एकीकृत समाजवादी पार्टी गठन गरेका छन् । एमालेका संस्थापक नेता मुकुन्द न्यौपाने पनि नेपाल–खनालकै पार्टीमा छन् । २०५४ सालमै एमाले छाडेका सीपी मैनाली नेकपा मालेका महासचिव छन् ।
विधान महाधिवेशनमा पार्टी केन्द्रीय कमिटीका सदस्यहरु, संघ तथा प्रदेशका सांसदहरु, प्रदेश कमिटीका सदस्यहरु, विभागबाट चुनिएका प्रतिनिधिहरु, जिल्ला कमिटीका प्रतिनिधिहरु, जिल्ला समन्वय समितिका प्रमुख तथा उपप्रमुखहरु, पालिकाका प्रमुख तथा उपप्रमुखहरु, भातृ संगठनका प्रतिनिधिहरु, प्रवास कमिटीका प्रतिनिधिहरु सहभागी रहन्छन् ।
विधान महाधिवेशन तीन दिनसम्म चल्ने छ । विधान महाधिवेशनको उदघाटन एमाले अध्यक्ष केपी शर्मा ओलीले गर्नेछन् । पार्टीका शीर्ष नेताहरुले उदघाटन सत्रलाई सम्बोधन गर्नेछन् । उदघाटन समारोह सकिएपछि १६ गते हुने बन्दसत्रमा अध्यक्ष ओलीले राजनीतिक प्रतिवेदन, महासचिव ईश्वर पोखरेलले संगठनात्मक प्रतिवेदन र उपमहासचिव विष्णु पौडेलले विधान संशोधन प्रस्ताव प्रस्तुत गर्नेछन् । ती प्रतिवेदनहरुमाथि समूहगत छलफल र समूह नेताबाट निष्कर्ष सुनाउने क्रम सुरु हुने छ । त्यसपछि सुझावलाई समेटेर प्रतिवेदनलाई पारित गरिने छ ।
विगतमा राष्ट्रिय महाधिवेशनबाट नीति र नेतृत्व टुंगो लगाउँदै आएको एमालेले यस पटक भने नीति तय गर्न अलग्गै विधान महाधिवेशन आयोजना गरेको हो । एमालेले आगामी मंसिर १० गतेदेखि १२ गतेसम्म राष्ट्रिय महाधिवेशन आयोजना गर्ने निर्णय गरेको छ । नवौं महाधिवेशन २०७१ सालमा भएको थियो ।
from Online Khabar https://ift.tt/2Y1N0Sc
Wednesday, September 29, 2021
काठमाडौंको वानेश्वर क्याम्पस अगाडि शव भेटियो
१४ असोज, काठमाडौं । काठमाडौंको वानेश्वर क्याम्पस नजिकै आज बिहान एक जनाको शव भेटिएको छ ।
क्याम्पस अगाडिको पुलमुनि एक जनाको शव भेटिएको महानगरीय प्रहरी वृत्त वानेश्वरका प्रहरी नायव उपरीक्षक (डीएसपी) मिनबहादुर लामाले जानकारी दिए ।
बिहान स्थानीयले शव देखेपछि प्रहरीलाई खबर गरेका थिए । खबर पाए लगत्तै वृत्तको टोली घटनास्थल पुगेको थियो ।
डीएसपी मीनबहादुर लामाले शव कतैबाट बगाएर ल्याएर अड्किएको जस्तो देखिएको बताए । विस्तृत विवरण भने पोष्टमार्टम पछि थाहा हुने उनले बताए ।
शवको सनाखत भएको छैन ।
from Online Khabar https://ift.tt/3kTEKwt
नेशनल जियोग्राफी र रोलेक्सको सगरमाथा अभियानमा कीर्तिमान
१४ असोज, काठमाडौं । अहिले समग्र विश्व नै जलवायु परिवर्तनको असरको सामना गरिरहेको अवस्थामा नेशनल जियोग्राफीले हिमालय क्षेत्रमा यसको अध्ययनको क्रममा तीनओटा कीर्तिमान कायम गरेको छ । उनीहरुले सगरमाथामा जलवायु परिवर्तनको असर कस्तो देखिएको छ भन्ने अध्ययन गरेका थिए ।
रोलेक्स, नेशनल जियोग्राफी र त्रिभुवन विश्वविद्यालयको सहकार्यमा हिन्दू-कुश पर्वत श्रृङ्खलामा पर्ने सगरमाथामा जलवायु परिवर्तनको कारण परेको असरबारे अध्ययन गरिएको हो ।
सन् २०१९ को अप्रलदेसख जुन महिनासम्ममा वैज्ञानिक, शोधकर्ता, लेखक र पर्वतारोहीको समूहले हिमालको इतिहासमा अहिलेसम्मकै सबैभन्दा प्रभावकारी वैज्ञानिक अध्ययन गरेका थिए । यो टोलीको अध्ययनको आधारमा पर्वतीय प्रणालीमा जलवायु परिवर्तनको असर र त्यसको समाधान कसरी गर्ने भन्ने बुझ्ने क्रममा तीन नयाँ कीर्तिमान कायम भएको हो ।
यी हिमालहरुबाट बगेको पानीमा त्यसभन्दा तल बसोबास गर्ने एक अर्बभन्दा धेरै मानिस आश्रति छन् ।
अध्ययनको क्रममा उनीहरुले कायम गरेका तीन कीर्तिमान यस्ता छन् –
– जमिनमा सबैभन्दा धेरै उचाइमा मौसम स्टेसन
– सबैभन्दा उचाइको हिमतत्व लिने
– जमिनमा सबैभन्दा उचाइमा माइक्रोप्लास्टिक फेला पार्ने
यी सबै कीर्तिमानलाई गिनिज वल्र्ड रेकर्डस्ले मान्यता दिएको छ ।
यो टोलीले हिमालय क्षेत्रमा मौसमबारे जानकारीको लागि पाँच स्वचालिक मौसम स्टेसन स्थापना गरेका छन् । यसले महत्वपूर्ण सूचना गर्छन् । ती स्टेसनहरु ३८१०, ५३१५, ६४६४, ७९४५ मिटर र अर्को एउटा स्टेसन भने ८ हजारभन्दा धेरै मिटरको उचाइमा राखिएको छ ।
त्यस्तै वैज्ञानिकहरुले हिमालय क्षेत्रको बरफ, चट्टान, पानी र हिउँको नमुना संकलन गरेका थिए । यसबाट उनीहरुले प्रदूषण गर्ने मानिसको कारण वायुमण्डलमा कस्तो किसिमको असर परेको छ भन्ने अध्ययन गर्न चाहेका थिए । टोलीले ८०२० मिटरको उचाइमा रहेको साउथ कोल हिमतालबाट पनि नमुना संकलन गरेका थिए । यो अहिलेसम्मको सबैभन्दा उचाइबाट लिइएको बरफको नमुना हो । यो नमुना परीक्षण गर्दा यसमा माइक्रोप्लास्टिकहरु पनि पाइएको थियो । यो सबैभन्दा उचाइमा पाइएको माइक्रोप्लास्टिक हो ।
from Online Khabar https://ift.tt/3CUQ163
प्रधानमन्त्रीको आह्वानमा बालुवाटारमा सर्वदलीय बैठक बस्दै
१४ असोज, काठमाडौं । प्रधानमन्त्री शेरबहादुर देउवाको आह्वानमा आज सर्वदलीय बैठक बस्दैछ । बैठक आज बिहान १० बजे बालुवाटार बस्ने प्रधानमन्त्रीको सचिवालयले जानकारी दिएको छ ।
प्रधानमन्त्रीको सचिवालयका अनुसार बैठकमा प्रतिनिधि सभामा प्रतिनिधित्व गर्ने दलका शीर्ष नेताहरुलाई आमन्त्रण गरिएको छ ।
बंठकमा संसदको अवरोधलाई निकास दिने लगायतका विषयमा छलफल हुनेछ ।
आजै दिउँसो १ बजे प्रतिनिधि सभाको बैठक पनि बोलाइएको छ । त्यसअघि प्रधानमन्त्री देउवादले सर्वदलीय बैठक बोलाएका हुन् । यसअघिका बैठकमा प्रमुख प्रतिपक्ष नेकपा (एमाले)ले लगातार अवरोध गरेको थियो ।
संसदको अवरोधबारे सभामुख अग्निप्रसाद सापकोटाले पहल गरे पनि निकास निस्किन नसकेपछि प्रधानमन्त्रीले नै पहल थालेका हुन् ।
सभामुख सापकोटाले बोलाएको बैठकमा त प्रमुख प्रतिपक्ष दलका नेता केपी शर्मा ओली सहभागी नै भएका थिएनन् । प्रधानमन्त्री देउवाले बोलाएको बैठकमा भने पूर्वप्रधानमन्त्रीसमेत रहेका ओली जाने नजाने टुंगो छैन ।
from Online Khabar https://ift.tt/3mah6vl
म्याक्सवेलको अर्धशतकमा बैंगलोरले राजस्थानलाई हरायो
काठमाडौं । ईन्डियन प्रिमियर लिग (आईपीएल) अन्तर्गत बुधबार राति भएको खेलमा रोयल च्यालेन्जर्स बैंगलोरले राजस्थान रोएल्सलाई ७ विकेटले पराजित गरेको छ ।
दुबईमा भएको खेलमा ग्लेन म्याक्सवेलले अर्धशतक प्रहार गरेपछि राजस्थानले दिएको १५० रनको लक्ष्य बैंगलोरले १७.१ ओभरमा ३ विकेट गुमाएर पूरा गर्यो । म्याक्सेवलले ३० बल खेल्दै ६ चौका र एक छक्का मद्दतमा अविजित ५० रन बनाए । चौका प्रहार गर्दै जित दिलाएका ए बी डे भिलियर्स चार रनमा अविजित रहे ।
यस्तै श्रीकर भारतले ४४, कप्तान विराट कोहलीले २५ र देबदत्त पडिक्कलले २२ रन बनाए ।
राजस्थानका मुस्ताफिजुर रहमानले २ विकेट लिए ।
त्यसअघि टस हारेर पहिले ब्याटिङ गरेको राजस्थानले २० ओभरमा ९ विकेट गुमाएर १४९ रन बनाएको थियो ।
राजस्थानका लागि ओपनर एभिन लेविसले ३७ बल खेल्दै ५ चौका र ३ छक्का मद्दतमा सर्वाधिक ५८ रन बनाए । यस्तै अर्का ओपनर यशस्भी जैसवालले ३१ र कप्तान सन्जु सामसनले १९ रन बनाए ।
पहिलो विकेटका लागि लेविस र जैसवालले ७७ रनको साझेदारी गरेका थिए । यी दुई क्रिजमा हुँदा राजस्थानले ठूलो स्कोर बनाउने अपेक्षा गरिएको थियो तर १०० रन हुँदा लेविस पनि आउट भएपछि राजस्थानले लगातार विकेट गुमायो । राजस्थानले ४९ रन जोड्न ८ विकेट गुमाएको हो ।
बैंगलोरका लागि हर्शल पटेलले तीन तथा युजभेन्द्र चाहाल र शाहबाज अहमेदले २-२ विकेट लिए ।
जितपछि बैगलोर ११ खेलबाट १४ अंक जोड्दै तेस्रो स्थानमा छ । राजस्थान समान खेलबाट ८ अंकसहित सातौं स्थानमा छ ।
from Online Khabar https://ift.tt/3upmyhk
च्याम्पियन्स लिगमा रोनाल्डोको अर्को कीर्तिमान, युनाइटेडको पुनरागमन जित
काठमाडौं । इंग्लिस क्लब म्यानचेस्टर युनाइटेडबाट खेल्ने पोर्चुगिज सुपरस्टार क्रिस्टियानो रोनाल्डोले च्याम्पियन्स लिगमा अर्को कीर्तिमान बनाएका छन् ।
च्याम्पियन्स लिगमा सर्वाधिक खेल खेल्ने कीर्तिमान बनाउँदै रोनाल्डोले निर्णायक गोल गरेपछि युनाइटेडले भियारिया माथि २-१ को पुनरागमन जित हात पारेको छ ।
समूह एफ अन्तर्गत बुधबार राति भएको खेल खेल्दै रोनाल्डोले च्याम्पियन्स लिगमा १७८औं खेल खेल्ने कीर्तिमान बनाए । उनले १७७ खेल खेलेका स्पेनिस गोलकिपर इकर कसियासको कीर्तिमान तोडेका हुन् ।
कीर्तिमानी खेलमा रोनाल्डोले इन्जुरी टाइमको पाँचौ मिनेटमा विजयी गोल गरे ।
त्यसअघि ओल्डट्राफोर्डका भएको खेलको ५३ औं मिनेटमा पको अल्कासेरलले गोल गर्दै भियारियाललाई अग्रता दिलाएका थिए । तर ७०औं मिनेटमा अलेक्स टेलेसले युनाइटेडका लागि बराबरी गोल फर्काए ।
त्यसपछि रोनाल्डोले इन्जुरी टाइममा विजयी गोल गरे । च्याम्पियन्स लिगमा रोनाल्डोले सर्वाधिक १३६ गोल गरेका छन् ।
पहिलो खेलमा योङ ब्वाइजसंग पराजित भएको युनाइटेडको यो पहिलो जित हो । दुई खेलबाट तीन अंक जोडेको युनाइटेड तेस्रो स्थानमा छ । समान अंक भएपनि योङ ब्वाइज दोस्रो स्थानमा छ ।
यसै समूहको अर्को खेलमा योङ ब्वाइजलाई १-० ले पराजित गरेको एटलान्टा चार अंकसहित शीर्ष स्थानमा छ । एटलान्टाका लागि माटेओ पेसिनाले एक मात्र गोल गरे ।
from Online Khabar https://ift.tt/39Nsnvx
च्याम्पियन्स लिगमा युभेन्ट्सले चेल्सीलाई हरायो
काठमाडौं । युईएफए च्याम्पियन्स लिगमा इटालियन क्लब युभेन्ट्सले इंग्लिस क्लब चेल्सीलाई १-० ले पराजित गरेको छ ।
घरेलु मैदानमा युभेन्ट्सलाई जिताउन फेडेरिको चिएसाले ४६औं मिनेटमा एक मात्र गोल गरे ।
समूह एचमा लगातार दोस्रो जित हात पारेको युभेन्ट्स ६ अंकसहित शीर्ष स्थानमा छ । पराजित चेल्सी तीन अंकसहित दोस्रो स्थानमा छ । अर्को खेलमा जेनित सेन्ट पिटर्सवर्गले माल्मोलाई ४-० ले पराजित गरेको छ ।
यस्तै समूह साल्जवर्गले लिललाई २-१ ले पारजित गरेको छ भने सेभिया र वल्फ्सवर्गले १-१ को बराबरी खेलेका छन् ।
from Online Khabar https://ift.tt/3FexIuH
जनताको बहुदलीय जनवाद (जबज) क्रान्तिको कार्यक्रम कि सिद्धान्त
सिद्धान्त के हो ?
जनताको बहुदलीय जनवाद (जबज) सिद्धान्त हो कि होइन निर्क्योल गर्नुपूर्व सिद्धान्त के हो र यसले के गर्छ भन्नेतर्फ ध्यान दिनु जरूरी छ । त्यसपछि मात्रै यो प्रष्ट हुनेछ कि जबज सिद्धान्त हो कि होइन ।
सिद्धान्त एउटा मानक हो । तथ्यबाट सत्य पत्ता लगाउने सार्वभौम नियमहरू सहितको मानक । तथ्यहरू सत्य हुन र नहुन पनि सक्छन् । कुनै तथ्यहरू सत्य नै रहेछन् भने पनि सान्दर्भिक वा सम्बन्धित नहुन वा अर्को तथ्यको तुलनामा समान प्रभावकारी नहुन पनि सक्छन् । कम वा अप्रभावकारी र असान्दर्भिक तथ्यहरूले सत्य नै भए पनि योगदान दिन सक्दैनन् । तथ्यहरू आफैंले बोल्दैनन् । तिनीहरू सिद्धान्तको आलोकमा हेरिने हुन् । सिद्धान्तको लेन्सले हेरिने हुन् ।
सिद्धान्तको अभावमा सबै तथ्यहरू बराबर महत्वका लाग्न थाल्छन् । कतिपय महत्वपूर्ण र सान्दर्भिक तथ्यहरू पनि बेवास्तामा पर्न सक्छन् भने कतिपय कम महत्वका वा महत्वहीन र असान्दर्भिक वा अप्रभावकारी तथ्य पनि महत्वपूर्ण र सान्दर्भिक मानिन सक्छन् । दुवै अवस्थामा गलत बुझाइ बन्न जान्छ र अन्ततः गलत निष्कर्ष निस्कने हुन्छ । त्यस्तै सत्य हुनु र सिद्धान्त हुनु एउटै होइन । तथ्यहरू सत्य हुन् भन्दैमा हरेक तथ्यले कुनै मानकको आवश्यकता नठानी आफंैलाई सिद्धान्त घोषणा गर्दै हिंड्नु उत्तरआधुनिकता हो । यो यस्तो खेल बन्छ, जहाँ कुनै नियम चाहिंदैन । मार्क्सवादले त्यस्तो अनुमति दिंदैन ।
अदालतका सबै फैसला नजिर हुँदैनन् । नजिर बन्न पनि एउटा सामान्य सार्वभौमिकता आवश्यक पर्दछ । ‘म जहाँ उभिएको छु पंक्ति त्यहींबाट शुरू हुन्छ’ को उद्दण्ड अराजकता अन्ततः ‘म नै राज्य हुँ’ मा पतन भएर टुङ्गिन्छ । त्यसैले तथ्यहरूको सत्यता, सान्दर्भिकता र महत्व सिद्धान्तको कसीमा घोटिएर तय हुन्छ, आफैंलाई सिद्धान्त घोषणा गरेर होइन । परिस्थितिवश कसीको भन्दा सुनको मूल्य बढी भएको हुनसक्छ तर सुनको कसी सुन आफैं हुँदैन । सुनले सुन हुनमा नै गर्व गर्नुपर्छ कसी हुनमा होइन र त्यस्तो गर्व गर्न पनि कसीमा घोटिनै पर्दछ । तथ्यहरूले सिद्धान्तको विकासमा योगदान त पक्कै गर्दछन् तर जाँच्ने कसी सिद्धान्त हो जाँचिने तथ्य सिद्धान्त होइनन् ।
जनवाद के हो ?
सिद्धान्तका बारे यति कुरा गरिसकेपछि अब जाऔं जनवादतिर । मार्क्सवादीहरू दुनियाँमा दुईखाले जनवाद -लोकतन्त्र) को अस्तित्वलाई मान्दछन् । क्रान्तिको नेतृत्व पूँजीपति वर्गले गरेको, क्रान्ति पछि उसैको अधिनायकत्व चलेको र शोषणमा आधारित पूँजीको प्राधान्य रहेको समाज निर्माण हुने जनवाद अर्थात् पुरानो जनवाद र जनताको नेतृत्वमा संयुक्त मोर्चाले क्रान्ति गर्ने, क्रान्ति पछि संयुक्त अधिनायकत्व कायम हुने र शोषण रहित समाजवादी समाज निर्माण हुने जनवाद अर्थात् नयाँ जनवाद ।
जनताको बहुदलीय जनवाद मार्गदर्शक सिद्धान्त होइन । मार्क्सवादको मार्गदर्शनमा वर्तमान क्रान्तिको कार्यक्रम हो, बस् । जे हो त्यसलाई होइन भन्नु पनि झुट हो । जे होइन त्यसलाई हो भन्नु पनि झुट हो । यसले क्रान्ति होइन भ्रान्ति मात्र सिर्जना गर्दछ
पूँजीवाद समाजवादसम्म पुग्ने अनिवार्य बाटो हो । पूँजीवादी युग पार नगरी कुनै पनि समाज समाजवादतर्फ अघि बढ्दैन, बढ्न सक्दैन । हिजो त्यस्तो पूँजीवादी युग पूँजीपति वर्गले आफ्नो नेतृत्वमा ल्याएको थियो । तर आज कैयौं परिस्थितिले पूँजीपति वर्गले आफ्नो क्रान्तिकारी चरित्र गुमाइसकेको हुँदा श्रमिक वर्गले नै आफ्नो नेतृत्वमा पूँजीवादी क्रान्ति सम्पन्न गरेर अघि बढ्नुपर्ने अभिभारा आएको हो । श्रमिक वर्गले आफ्नै हित (समाजवादमा पुग्न) का लागि नै पूँजीपति वर्गलाई समेत मुक्त पार्दछ र संयुक्त जनवादी सत्ताको भरमा समाजवादतर्फ संक्रमणको लागि भौतिक तथा सांस्कृतिक निर्माणतर्फ अघि बढ्छ ।
त्यस प्रकारको जनवादी क्रान्ति यसअघि पूँजीपति वर्गले सम्पन्न गरेका जनवादी क्रान्ति भन्दा रूपमा मात्र होइन सारमा पनि भिन्न हुन्छन्, हुनेछन् । त्यसको लक्ष्य फरक छ, हुनेछ । यो नै अहिलेसम्म विकसित भएको मार्क्सवादी सिद्धान्तको शिक्षा हो । यसै सिद्धान्तको आलोकमा कतिपय मुलुकमा यस्ता क्रान्ति सम्पन्न भएका छन् । कतिपय मुलुकमा जारी छन् । कतै यसलाई नयाँ जनवाद भनियो, कतै जनताको जनवाद वा कतै राष्ट्रिय जनवाद । नेपालको तत्कालीन विशिष्ट परिस्थिति र अन्तर्राष्ट्रिय अनुभवहरूको आधारमा विभिन्न थप विशेषताहरूलाई समेत समेटेर यसलाई जनताको बहुदलीय जनवाद भनियो ।
जनताको बहुदलीय जनवाद के हो ?
क. मदन भण्डारीका अनुसार जनताको बहुदलीय जनवाद भनेको यस्तो जनवादी राज्यसत्ता (अधिनायकत्व) हो जसको शासन प्रणालीमा बहुदलीय प्रतिस्पर्धा रहेको हुन्छ । अर्थात् यसमा क्रान्ति पछि स्थापना हुने राज्यसत्ता (अधिनायकत्व) जनवादी (लोकतान्त्रिक) हुने र त्यो पुरानो जनवाद जस्तो पूँजीपति वर्गको एकलौटी नभई जनताको समेत संयुक्त राज्यसत्ता हुने भएकोले बहुवर्ग बीच प्रतिस्पर्धालाई यसले स्वीकार गर्दछ । वर्गीय समाजमा दलहरूले वर्गहरूको राजनीतिक प्रतिनिधित्व गर्ने भएकोले त्यस्तो प्रतिस्पर्धा दलीय हुने समेत यसले स्वीकार गरेको छ । यही तथ्यहरू र थप केही विशेषता समेत अंगीकार गरिएको यो (अर्थात् जबज) नयाँ जनवाद नै हो ।
जबज कार्यक्रम कि सिद्धान्त ?
क. भण्डारीले पनि जनवाद पुरानो र नयाँ गरी दुई खालको हुने र अबको क्रान्ति पुरानो खाले नभई नयाँ खाले हुने कुरालाई स्वीकार गर्नुभएको छ । उहाँले केवल त्यस नयाँ जनवादी क्रान्तिपछि संयुक्त सत्ता स्थापना हुने भनिसकेपछि केवल मजदूर वर्गको पार्टीले मात्र शासन संचालन गर्ने व्यवहार गलत सावित हुँदै गएकोले नयाँ जनवादको प्रयोगमा रहेका कमी-कमजोरीहरू हटाई मानव जातिले आर्जन गरेका कतिपय उपलब्धिहरूलाई सम्मान साथ थप गरी शासन प्रणालीमा बहुदलीय प्रतिस्पर्धा सहितको जनवादको कुरा गर्नुभएको छ ।
त्यस्तो शासन प्रणालीमा बहुदलीय प्रतिस्पर्धालाई स्वीकार गर्दा आइपर्ने थप जटिलताहरूको व्यवस्थापनका लागि मानव जातिले सभ्यता विकासका क्रममा आर्जन गरेका कैयौं उपलब्धि समेत थप गरेर जनताको बहुदलीय जनवाद नामकरण गरिएको हो । यो कुनै नयाँ सिद्धान्त होइन । यो क्रान्तिको कार्यक्रम हो । पाँचौं राष्ट्रिय महाधिवेशनमा पारित दस्तावेज अनुसार पनि यो ‘पार्टीले सार्वजनिक रूपमा फहराएको आफ्ना लक्ष्यहरू सहितको झण्डा’ हो । सिद्धान्त त मार्क्सवाद-लेनिनवाद नै हो ।
उहाँले क्रान्ति पछिको शासन प्रणाली एकदलीय हुने वा बहुदलीय हुने कुरालाई समाजको क्रान्तिकालीन र क्रान्ति पछिको विशिष्ट अवस्थाले निर्धारण गर्ने विषय भएकोले त्यो सिद्धान्तको विषय होइन भन्दै प्रष्ट रूपमा ‘जनताको बहुदलीय जनवाद नेपाली क्रान्तिको कार्यक्रम हो’ भन्नुभएको छ । यति प्रष्टसँग भन्दाभन्दै पनि कतिपय मानिस जबजलाई सिद्धान्त घोषणा गर्ने, ‘यो सिद्धान्त नै हो’ भन्ने ढिपी गर्ने अनि त्यसैको मार्गनिर्देशनमा क्रान्ति सम्पन्न गर्ने कुरा गर्दछन्, जुन सही कुरा होइन ।
सिद्धान्त र कार्यक्रमको अन्तरसम्बन्ध
जे हो त्यही भन्नु यथार्थ हो । यथार्थ के हो भने जनताको बहुदलीय जनवाद सिद्धान्त होइन कार्यक्रम हो । जनताको जनवादी क्रान्तिको सुदृढीकरणको चरणमा लागू गरिने क्रान्तिको कार्यक्रम । यो कार्यक्रम सिद्धान्त अनुसार ठीक छ कि छैन ? यसले क्रान्तिको विज्ञान (मार्क्सवाद-लेनिनवाद) को उचित दिशानिर्देश लिएको छ कि छैन ? यो क्रान्तिका सिद्धान्तहरूसँग कति संगत, कति असंगत छ ? संगत पक्ष के, असंगत पक्ष के हुन् ? यसलाई थप संगत बनाउन के-के गर्नुपर्छ ? यसले सही परिणाम ल्याउँछ कि ल्याउँदैन ? यसको परिणाम अन्ततः जनताको पक्षमा हुन्छ कि प्रतिक्रियावादीहरूको पक्षमा ? जस्ता प्रश्नहरूको जवाफ यसका हरेक भनाइ, मान्यताहरूलाई मार्क्सवाद (मार्क्सवाद-लेनिनवाद) को कसीमा घोटेर हेर्ने हो ।
मार्क्सवादको आलोकमा यसको सत्यता जाँच्ने हो । जहाँ जहाँ यसले मार्क्सवादको परीक्षा पास गर्न सक्दैन, त्यहाँ त्यहाँ यसलाई निर्मम उपचार गर्ने हो । त्यसो गर्नुको सट्टा यसलाई नै सिद्धान्त हो भन्नु भ्रमपूर्ण र अल्छी कुरा हो ।
जनताको बहुदलीय जनवाद स्वयंलाई सिद्धान्त घोषणा गरिदिएर आफ्नो मानक आफैं हुने घोषणा गर्ने, आफ्नो सिद्धान्त आफैं हुने घोषणा गर्ने र आफ्नो निर्णय आफैं गर्ने जस्ता मनोगत कामले जानाजान वा अन्जानमा झन् ठूलो भ्रमको सिर्जना गर्दछ । आफैं सिद्धान्त भएपछि आफ्नो ठहरलाई कुनै कसीमा जाँच-पडताल गर्नै परेन । ठीक वा बेठीक घोषणा गर्ने प्राधिकार स्वयं आफू नै हुनेभयो ।
यो आफू स्वयं र क्रान्तिलाई पनि दिग्भ्रमित गर्ने काम हो । जनताको बहुदलीय जनवाद मार्गदर्शक सिद्धान्त होइन । मार्क्सवादको मार्गदर्शनमा वर्तमान क्रान्तिको कार्यक्रम हो, बस् । जे हो त्यसलाई होइन भन्नु पनि झुट हो । जे होइन त्यसलाई हो भन्नु पनि झुट हो । यसले क्रान्ति होइन भ्रान्ति मात्र सिर्जना गर्दछ ।
(जोशी नेकपा एमालेसँग आवद्ध छन् ।)
from Online Khabar https://ift.tt/3zVprI7
च्याम्पियन्स लिग : बार्सिलोना बेनफिकासँग पराजित
काठमाडौं । स्पानिस क्लब बार्सिलोनाले यूईएफए च्याम्पियन लिग २०२१-२२ खराब प्रदर्शनको सिलसिला कायम राख्दा लगातार दोस्रो हार बेहोरेको छ ।
समूह ई अन्तर्गत बुधबार राति भएको खेलमा पोर्चुगिज क्लब नफिकासँग बार्सिलोना ३-० ले पराजित भएको हो ।
वेनफिकालाई घरेलु मैदानमा शानदार जित दिलाउन डार्विन नुनेजले दुई तथा राफा शिल्भाले एक गोल गरे । खेलको तेस्रो मिनेटमै गोल गरेका नुनेजले ७९औं मिनेटमा पेनाल्टीमा व्यक्तिगत दोस्रो गोल गरेका थिए । राफा शिल्भाले ६९औं मिनेटमा गोल गरे ।
वेनफिकाले सन् १९६१ पछि बार्सिलोनालाई पराजित गरेको हो ।
समूहमा पहिलो जितपछि दुई खेलबाट चार अंक जोडेको वेनफिका दोस्रो स्थानमा छ । लगातार दुई खेल हारेको बार्सिलोना अंकविहिन हुँदै पुछारमा छ । पहिलो खेलमा बायर्नसँग पनि बार्सिलोना ३-० ले नै पराजित भएको थियो ।
from Online Khabar https://ift.tt/3ijrRdq
च्याम्पियन्स लिगमा बायर्नको फराकिलो जित
काठमाडौं । जर्मन क्लब बायर्न म्युनिखले यूईएफए च्याम्पियन्स लिगमा डिनामो किभलाई ५-० को फराकिलो अन्तरले पराजित गरेको छ ।
समूह ई मा लगातार दोस्रो खेल जित्ने क्रममा बायर्नका लागि रोवर्टो लेवान्डोस्कीले दुई गोल गरे । घरेलु मैदान एलिएन्ज एरेनामा लेवान्डोस्कीले १२औं र २७औं मिनेटमा गोल गर्दै पहिलो हाफमा बायर्नलाई २-० को अग्रता दिलाएका थिए ।
दोस्रो हाफमा बायर्नले तीन गोल थप्यो । सर्जी जीनाब्रीले ६८औं, लरेय सानेले ७४औं र चोपो मोटिङले ८७औं मिनेटमा गोल गरे ।
लगातार दोस्रो जितपछि बायर्न समूह ई मा ६ अंकसहित शीर्ष स्थानमा छ । १ अंक रहेको डिनामो किभ तेस्रो स्थानमा छ ।
from Online Khabar https://ift.tt/3CZ61UI
प्रश्नैप्रश्नको सँघारमा गैरआवासीय नेपाली अभियान
गैरआवासीय नेपाली संघको आसन्न चुनावको माहोल तातिरहेको छ । उम्मेद्वारहरू मत माग्न व्यस्त छन् । १०औं महाधिवेशनको सँघारमा आइपुग्दा गैरआवासीय नेपाली संघका गतिविधि र पछिल्लो चुनावी माहोल हेर्दा धेरैको मनमा विभिन्न प्रश्न उठिरहेका छन् । विश्वभरि छरिएर रहेका नेपालीलाई एकताबद्ध गर्दै आफ्नो मातृभूमि प्रति जोड्ने एउटा महान उद्देश्य सहित ‘नेपालीका लागि नेपाली’ भन्ने नारा बोकेर शुरु भएको गैरआवासीय नेपाली संघले अहिले १०औं महाधिवेशनको नजिकै आउँदा धेरै उतारचढाव पार गरिसकेको छ ।
विश्वका ८० भन्दा बढी देशमा छरिएर रहेका लाखौं नेपालीको एकमात्र छाता संगठन एनआरएनएका गतिविधि पक्कै पनि नेपाल र विश्वका नेपालीको हितमा हुनुपर्दछ । तर पछिल्लो समय सतहमा देखिएका क्रियाकलाप, विभिन्न राष्ट्रिय समन्वय समिति तथा केन्द्रमै देखिएका विवादले आजसम्मका उपलब्धिहरूलाई अप्ठ्यारो त पारेको त छ नै, संस्थाको भविष्यलाई पनि अँध्यारोमा पार्ने हो कि भन्ने संशय उत्पन्न भएको छ । र महत्वपूर्ण प्रश्न खडा भएको छ, के गैरआवासीय नेपाली अभियानले बाटो बिराउने त होइन ?
नेपाल बाहिर रहेर आफ्नो पेशा, अध्ययन, व्यवसाय गर्ने हामी नेपालीहरू नेपालको राजनीतिक अवस्था विकास र सामाजिक अवस्थालाई लिएर सधैं चिन्तित हुन्छौं । विशेषत: नेपालको राजनीति र विकासका कामप्रति असन्तुष्ट पक्कै हुन्छौं किनकि हामी धेरै नेपाली समृद्ध र सुसंस्कृत राष्ट्रहरूमा बसेर जीवन बिताइरहेका छौं । नेपालमा पनि त्यस्तै भए हुनेथ्यो कल्पना गर्दछौं । तर विडम्बना हामीले चाहना गरेजस्तो सुसंस्कृत समृद्ध नेपाल कल्पनामा मात्र हुने हो कि भनेर हामीलाई बडो चिन्ता लाग्छ ।
हामी सामाजिक सञ्जालका भित्ताहरूमा निरन्तर आफ्नो असन्तुष्टि पोखिरहन्छौं । हामीलाई लेखिरहँदा आरोप पनि आउने गर्छ देश छोडेर भाग्नेहरू किन चिन्ता लिन्छौ भनेर । आखिर जहाँ भए पनि हामी नेपाली हौं र हाम्रो मन नेपाली हो । नेपाल हाम्रो माटो हो, चिन्ता लाग्छ हामीलाई भनेर हामी आवासीय नेपालीले गर्व साथ भन्छौं ।
मातृभूमिलाई परेको बेलामा मन खोलेर सहयोग गर्छौं पनि । हामी नेपाली विकृत राजनीतिक संस्कारको कट्टर आलोचक हौं । आफू बस्ने देशमा जस्तै नेपालमा पनि परिष्कृत राजनीतिक संस्कार विकास होस् भन्ने चाहन्छौं । र यो चाहना जायज पनि छ । तर के हामी आफैंले नेपालीका लागि भनेर जन्माएको संस्थामा हामीले गर्ने क्रियाकलाप र हाम्रो त्यो सुसंस्कृत सोच मेल खान्छ त ?
एकाइसौं शताब्दीमा विश्वका समृद्ध मुलुकमा जीवन निर्वाह गर्ने हामी गैरआवासीय नेपालीले उच्च नैतिक व्यवहारले उदाहरण दिनुपर्नेमा उल्टो कुसंस्कृत राजनीतिक संस्कारको ऐना बन्नु दुर्भाग्यपूर्ण छ । अझै पनि यसरी नै अघि बढ्ने हो भने गैरआवासीय अभियानको डुंगा डुब्ने निश्चित छ । त्यसैले बेलैमा सोचौं
पछिल्लो समय देखिएका विकृतिहरू के हाम्रा ‘सोफिस्टिकेटेड’ भनिने सोच अनुरूप छन् त ? पक्कै पनि छैनन् । यहाँनेर हाम्रो कृत्रिम सोचको भण्डाफोर हुन्छ । हामी बोल्न, गफ गर्न माहिर छौं । नेपाली राजनीतिका दलका नेता जस्तै हामी पनि कृत्रिम हौं । हाम्रो रगतमा त्यही विकृत राजनीति घुलिएको छ । हामी बस्न त विश्वका विकसित मुलुकमा बस्छौं, तर हाम्रो सोच अविकसित छ । हामी पेशा त विश्वका समृद्ध मुलुकमा गर्छौं तर हाम्रो विचार उही पुरानो छ । हामी अध्ययन विभिन्न उत्कृष्ट राष्ट्रमा गर्छौं तर हाम्रो ज्ञान मक्किएको छ ।
आज गैरआवासीय नेपाली संघका नाममा विश्वका समृद्ध देशका पार्क, सभा हल, होटलहरूमा हानाहान, कुटाकुट हुन्छ । एकले अर्कोको अस्तित्व स्वीकार्न नसकेर गुट, उपगुट बनाएर खुट्टा तानातान हुन्छ । आज एनआरएनए विकृत भनिएका नेपाली राजनीतिक दलको भ्रातृ संगठन भन्दा कम छैन ।
नेताको आशीर्वाद लिने र लम्पसारवादले सीमा नाघेको छ । संस्थामा चरम राजनीति घुसाइएको छ । गैरआवासीय नेपाली अभियान शुद्ध नेपालीको नभएर कांग्रेस, एमाले, माओवादीको भएको छ । अति राजनीतीकरणले नेपालमा नेपाली नै भेट्न गाह्रो परिरहेको बेलामा गैरआवासीय भए पनि हामी नेपाली हौं भन्नेलाई पनि कांग्रेस, माओवादी र एमाले बनाइदिएको छ ।
अहिले गैरआवासीय नेपाली हौं भन्न पनि लाज लाग्ने, मुख छोप्नुपर्ने अवस्था आएको छ । वर्षौं लगाएर निर्माण गरिएको संस्थाको गरिमालाई माटोमा मिलाउने काम भैरहेको छ । के यसकै लागि परिकल्पना गरिएको थियो संस्थाको ? आखिर किन गैरआवासीय नेपाली अभियान नेपाली राजनीतिको छायाँ बन्यो ? गम्भीर प्रश्नचिह्न खडा भएको छ ।
अझै पनि यस्तै फोहोरी तरिकाले लागिरहने हो निश्चित छ संस्थाको गरिमा पातालमा पुग्नेछ ।
कुनै पनि संस्थाको लागि महाधिवेशन अत्यन्त महत्वपूर्ण हुन्छ । पूरा भएको कार्यकालका काम कारबाहीको समीक्षा, नयाँ कार्यकालको लागि खाका बनाउने तथा समस्त संस्थागत हितको लागि आग्रह पूर्वाग्रहरहित छलफल गरेर आगामी कार्यदिशा निर्धारण गर्ने समय हो महाधिवेशन । तर विडम्बना यहाँ चुनावलाई मात्र महाधिवेशन सम्झिएर अरु महत्वपूर्ण कार्यक्रमहरूलाई किनारा लगाउने काम हुन्छ । ठ्याक्कै नेपाली राजनीतिमा जस्तै भोटको खेल खेलिन्छ । उम्मेद्वारहरू एजेन्डा विचारमा भन्दा गुट, उपगुट प्यानल बनाएर साम, दाम, दण्ड र भेद अपनाएर जसरी भए पनि चुनाव जित्ने ध्याउन्नमा हुन्छन् । कसैलाई महाधिवेशनमा घनीभूत छलफल गर्ने संस्थाको कामकारबाहीप्रति समालोचना गरेर रचनात्मक प्रश्न गर्ने फुर्सद हुँदैन । अहिले फेसबुकका ‘वाल’हरूमा हेर्ने हो भने एनआरएनएको लोगो पृष्ठभूमिमा राखेर चिल्लो फोटो राखी आफ्नो विज्ञापन गर्ने, विभिन्न गुट, उपगुट बनाएर जूम कार्यक्रममा फोस्रा ‘आउटडेट’ कृत्रिम विचार छाट्ने क्रम अत्यधिक बढेको छ । ध्यान दिएर हेर्ने हो भने प्राय: सबै उम्मेदवारका नारा अनि एजेन्डाहरू उस्तै लाग्छन् ।
‘कपी पेस्ट’ गरेर एजेन्डा लेख्ने, फोटो हालेर विज्ञापन गर्ने बाहेक आफ्नो मौलिक विचार एजेन्डाहरू राख्ने फुर्सद कसैलाई छैन । भद्रगोल र अस्तव्यस्तताले सीमा नाघेको छ ।
संस्था जे सुकै होस् सबैलाई चुनाव जित्नु छ, नेता बन्नु छ । के गैरआवासीय नेपाली अभियान यत्तिका लागि हो ? गम्भीर भएर सोच्नुपर्ने बेला भएको छ । एकाइसौं शताब्दीमा विश्वका समृद्ध मुलुकमा जीवन निर्वाह गर्ने हामी गैरआवासीय नेपालीले उच्च नैतिक व्यवहारले उदाहरण दिनुपर्नेमा उल्टो कुसंस्कृत राजनीतिक संस्कारको ऐना बन्नु दुर्भाग्यपूर्ण छ । अझै पनि यसरी नै अघि बढ्ने हो भने गैरआवासीय अभियानको डुंगा डुब्ने निश्चित छ । त्यसैले बेलैमा सोचौं ।
दक्षिण कोरिया
from Online Khabar https://ift.tt/3ilEvsB
Tuesday, September 28, 2021
छाडा पशु व्यवस्थापनको छैन संयन्त्र
१३ असोज, काठमाडौं । काठमाडौं उपत्यकालगायत देशका ठूला सहरमा छाडा चौपायाहरू यत्रतत्र भेटिन्छन् । छाडा छाडिएका गाई, गोरु, कुकुरलगायत जनावरले सडक दुर्घटनादेखि मानवीय क्षति हुने गरेपनि यसको संरक्षणमा राज्य पक्ष निष्क्रिय देखिन्छ ।
२०७६ मा नेपालगञ्ज उपमहानगरपालिकाले ३ सय ७० वटा गाई सुर्खेतको कटकुवा जंगलमा लगेर छाडेको घटनाले पनि छाडा चौपायाको विकराल अवस्था प्रष्ट देखाउँछ ।
त्यतिबेला गाईलाई भीरबाट लडाएर मार्ने कार्यमा उपमहानगरकै संलग्नता देखिएको भन्दै गृह मन्त्रालयले १४ भदौ २०७६ मा उपसचिव सागरमणि पाठकको नेतृत्वमा छानबिन समितिसमेत बनाएको थियो । उक्त छानविनपछि नेपालगञ्ज महानगरले कान्जीहाउस -छाडा चौपाया राख्ने गोठ) बनाएर पशु व्यवस्थापनको काम सुरु गरेको छ ।
यद्यपि अहिलेसम्म वेवारिसे पशु संरक्षण र व्यवस्थापनको लागि राज्यसँग कुनै आधिकारिक संयन्त्र तथा नीति छैन ।
संघीय सरकारको कृषि तथा पशुपक्षी विकास मन्त्रालयका प्रवक्ता प्रकाशकुमार सञ्जेलका अनुसार अहिले छाडा पशु-चौपाया संरक्षण गर्ने जिम्मा कानूनले स्थानीय सरकारलाई नै दिएको छ ।
सञ्जेल भन्छन्, ‘पशु चौपाया संरक्षण गर्ने जिम्मा स्थानीय तहलाई ऐनले नै निर्देश गरेको छ । यदि स्थानीय सरकारले संरक्षण गर्न नसकेको अवस्थामा मन्त्रालयले सहजीकण गर्ने व्यवस्था छ ।’
यता मन्त्राललयकै वरिष्ठ पशु चिकित्सक डा. वरुण शर्मा भने छाडा चौपाया व्यवस्थापनमा सरकारको मात्र नभई व्यक्तिको पनि उत्तिकै जिम्मेवारी रहने बताउँछन् । उनका अनुसार स्थानीय निकाय आफैं स्रोतमा कमजोर भएकाले छाडा पशु व्यवस्थापनमा ध्यान दिन नसकेको हो ।
‘आफ्नो घरमा पालेका जनवारको व्यवस्थापनमा व्यक्ति आफैंले ध्यान दिनुपर्छ’ शर्मा भन्छन्, ‘व्यक्तिले गर्न नसकेमात्र स्थानीय सरकारले सहजीकरण गरेर त्यसलाई ठीक ढंगले व्यवस्थापन गर्नुपर्छ ।’
चिकित्सक डा. शर्माका अनुसार अहिले मन्त्रनलायले छाडा चौपाया व्यवस्थापन गर्नेबारे कानूनमै समेट्न तयारी गरिरहेको छ । संसदका नियमित कार्यक्रम सुरु भएसँगै कानून निर्माणमा जोड दिइने उनी बताउँछन् ।
नेपालको मौजुदा कानूनको ‘गाउँपालिका तथा नगरपालिकाको काम, कर्तव्य र अधिकार’को परिच्छेद ११ को ‘ञ’मा छाडा पशु चौपायाको नियन्त्रण भनेर उल्लेख छ । यही नियममा टेकेर स्थानीय निकायलाई नै छाडा पशु व्यवस्थापनको लागि मन्त्रालयले विभिन्न समयमा निर्देशन दिने गरेको छ ।
उपत्यकाको अवस्था झन् जटिल
सबैभन्दा भीडभाड हुने र सडकमा जताततै छाडा पशु भेटिने काठमाडौं महानगरमा समेत छाडा पशु-चौपाया संरक्षण गर्ने कुनै संयन्त्र बनेको छैन । महानगरका प्रवक्ता ईश्वरमान डंगोलका अनुसार पहिले टेकुमा छाडा बहर संकलन गरेर लिलामीमा विक्री गर्ने गरिने चलन थियो । त्यो अहिले व्यक्तिगत तवरमा हुने भएकाले महानगरसँग छाडा पशु राख्ने कुनै काञ्जीहाउस वा लिलाम गर्ने प्रकिया नरहेको प्रवक्ता डंगोल बताउँछन् ।
अघिल्लो वर्ष कागेश्वरी मनोहरा नगरपालिका-८ स्थित गोठाटारमा रहेको पशुपति क्षेत्र विकास कोषको जग्गामा केही पशु अधिकारकर्मीले सडकमा खुला छाडिएका गाईबाच्छालाई राखेको थियो । ‘असहाय गाईबाच्छा संरक्षण अभियान’ नाम दिइएको उक्त अभियानले फलामे तारले घेरिएको ठूलो चौरमा असहाय गाईबाच्छा जम्मा गरेर पालन गर्दै आएको छ ।
काठमाडौंस्थित पशुपति क्षेत्रको गौशालामा पनि केही बेवारिसे गाईगोरु राखेको पाइन्छ । यद्यपि त्यहाँ पनि वृद्ध गाईभन्दा बढी दूध दिने गाई नै पाल्ने गरिन्छ । पशुपति मन्दिरमा दान गर्दा छाडिएका गाई तथा अन्य छाडा भेटिएका गाईलाई पशुपतिको गौशालाले संरक्षण गर्ने गरेको छ ।
नेपालगञ्ज उपमहानगरले भने दुई वर्ष अगाडिदेखि सडकमा छाडा छोडिएका गाई, गोरु, खच्चडलगायत पशु चौपाया काञ्जी हाउसमा राख्न सुरु गरेको छ । तर, त्यहाँ पनि क्षमताभन्दा बढी पशु राख्नुपरेकाले त्यहाँ पनि समस्या उत्पन्न भएको बताइएको छ । उक सय पशु राख्ने काञ्जी हाउसमा चार सय चौपाया राखिएपछि यस्तो समस्या देखिएको महानगरले बताएको छ ।
भारतमा गौवधमाथि प्रतिबन्ध, प्रभाव नेपालमा
पशुपतिनाथ क्षेत्रबाट छाडा चौपाया संकलन गरी बेच्न लाने व्यापारी प्रेम महतका अनुसार अहिले भारतमा समेत गाई गोरु बेच्ने अवस्था छैन । २०७३ पछि भारतमा लगेर बेच्ने काममा रोक लागेको उनी बताउँछन् ।
यसले गर्दा आफूजस्ता व्यापारीको रोजगारी नै संकटमा परेको बताउँदै उनी भन्छन्, ‘हामीले नेपालकै एक ठाउँबाट अर्को ठाउँमा लगेर बेच्ने गरेका छौं । गाईगोरु नाका कटाउन दिँदैन ।’
सन् २०१७ को मे महिनामा भारतमा सत्तारुढ भारतीय जनता पार्टीको सरकारले गौवध गर्न नपाइने नियम बनायो । भारतीय सर्वोच्च अदालतमा गौवध गर्न पाइने कि नपाइने भन्ने विषयमा लामो समयसम्म मुद्दा पनि चलेको थियो ।
अहिले भारतको उत्तर प्रदेशमा गौवध गर्न नपाइने भएका कारण नेपालको पश्चिमी क्षेत्रबाट भारतको उत्तर प्रदेश जाने गरेका धेरै गाई नेपालमै रोकिएका छन् । सीमाक्षेत्रमा छाडा गाईगोरुको संख्या बढेको छ ।
यता नेपालमा पनि २०७६ वैशाख ८ गते अधिवक्ता पदमबहादुर श्रेष्ठको रिटमा सर्बोच्चका न्यायाधीशद्वय डा.आनन्दमोहन भट्टराई र पुरुषोत्तम भण्डारीले छाडा पशु संरक्षणका पक्षमा फैसला गरेको थियो ।
फैसलामा भनिएको छ –
‘पशुपक्षीप्रति निर्दयी व्यवहार हुन नदिन जनस्तरमा शिक्षाको प्रचार गर्नु भन्ने र पशुकल्याणको विषयमा आवश्यक कानून निर्माण गर्नु भनी सरकारका नाममा यसअघि नै यस अदालतवाट निर्देशनात्मक आदेशहरु जारी भैसकेको देखिदा सो विषयमा पुनः आदेश जारी गर्नुपर्ने देखिएन ।’
यस्तै नेपाल सरकारले पशुपक्षी विकास तथा अनुसन्धानका क्षेत्रमा सहयोग पुर्याउन २०७३ सालमा ‘पशुपक्षी विकास राष्ट्रिय सल्लाहकार समिति’को गठन गरेको थियो ।
समितिले पनि नीतिगत व्यवस्थालाई समयानुकूल परिमार्जन गर्न तथा आवश्यकतानुसार विषयगत रणनीति तर्जुमा गर्न सुझाएको थियो । अर्थात् अदालते जस्तै पशुपन्छी संरक्षणको लागि ठोस कार्य गर्न सरकारी संयन्त्र बनाउनुपर्नेमा जोडढ थियो ।
यद्यपि यस्ता समितिहरूबाट प्रतिवेदन पेश गर्नेबाहेक काम हुन सकेको देखिँदैन ।
from Online Khabar https://ift.tt/3AQtBC5
स्वास्थ्य उपचारका लागि माओवादी नेता पुन बैंकक प्रस्थान
१३ असोज, काठमाडौं । नेकपा माओवादी केन्द्रका नेता वर्षमान पुन ‘अनन्त’ स्वास्थ्य उपचारका लागि थाइल्याण्डको राजधानी बैंकक गएका छन् ।
उनी बुधबार बिहान सात बजे हिमालय एयरलाइन्सको जहाजबाट बैंकक गएका हुन् ।
माओवादी केन्द्रीय कार्यालय इञ्चार्ज एवम् अर्थ विभाग प्रमुख पुनका प्रेस संयोजक दयानिधि भट्टले भने, ‘बैंककमा हिमालय एयरलाइन्सको कार्गो उडान रहेछ, त्यही जहाजमा उहाँ पनि जानु भएको छ ।’
नेता पुनको साथमा उनकी पत्नी एवम् पूर्वसभामुख ओनसरी घर्ती पनि बैंकक गएकी छन् । पुनको उपचार बैंककको समितिभेज अस्पतालमा हुने छ ।
उनी जण्डिस बिगि्रएपछि देखिने एक प्रकारको समस्याबाट लामो समयदेखि पीडित छन् । यसअघि पनि उनले बैंकको समितिभेज अस्पतालमै उपचार गराएका थिए ।
पुन दम्पतीलाई बिदाइ गर्न माओवादी नेता शक्तिबहादुर बस्नेत, अखिल क्रान्तिकारीका अध्यक्ष रञ्जित तामाङ लगायत त्रिभुवन अन्तर्राष्ट्रिय विमानस्थलमा पुगेका थिए ।
from Online Khabar https://ift.tt/2Wk0IiM
कर्णालीमा कांग्रेस अधिवेशन : ६२ पालिकाको नेतृत्व चयन, पौडेल पक्ष हाबी
१३ असोज, सुर्खेत । नेपाली कांग्रेसको १४औं महाधिवेशनअन्तर्गत स्थानीय तहमा नेतृत्व चयन भइरहेको छ । कर्णालीका कुल ७९ वटा स्थानीय तहमध्य हालसम्म ८ जिल्लाका ६२ वटा पालिकामा अधिवेशन सम्पन्न भएको छ ।
प्रदेशका १० जिल्लामध्ये सुर्खेत र डोल्पाको क्रियाशील सदस्यता विवादका कारण १७ पालिकामा अधिवेशन अनिश्चित बनेको छ । ‘केन्द्रले क्रियाशील सदस्यहरुको नामावली भखरै सार्वजानिक गरेको छ, अवको एक/दुई दिनभित्र अधिवेशन हुन सक्छ,’ कांग्रेस सुर्खेतका सभापति कमलराज रेग्मीले भने ।
कर्णालीमा पनि प्रधानमन्त्रीसमेत रहेका कांग्रेस सभापति शेरबहादुर देउवा र वरिष्ठ नेता रामचन्द्र पौडेल समूहबीच स्थानीय तहबाटै तीव्र प्रतिस्पर्धा देखिएको छ । तर, तीव्र प्रतिस्पधाका बीच पनि धेरै पालिकाहरुमा सर्वसम्मत नेतृत्व चयन गरिएको छ ।
कर्णालीमा निर्वाचन सम्पन्न भएका ६२ पालिकामध्ये ३४ पालिकामा पौडेल पक्षका सभापति चुनिए भने २७ पालिकामा देउवा पक्षका सभापति आएका छन् । जाजरकोटको भेरी नगरपालिका सभापति शशि बुढा भने कतै पनि खुलेका छैनन् ।
सल्यानमा दुवै समूहको बराबरी
सल्यानमा नेपाली कांग्रेसको दुवै समूह बराबरी अवस्थामा देखिएको छ । १० स्थानीय तह भएको सल्यानमा संस्थापन पक्ष र स्थापनइतर समूह ५-५ तहमा विजयी भएका छन् ।
जिल्लामा ८ स्थानीय तहमा निर्वाचन भएको थियो भने दुई स्थानीय तहमा सर्वसम्मत नेतृत्व चयन भएको कांग्रेस सल्यानका सभापति गणेश चन्दले जानकारी दिए ।
देउवा समूहले त्रिवेणी गाउँपालिका, बनगाड कुपिण्डे नगरपालिका, बागचौर नगरपालिका, छत्रेश्वरी र कुमाख गाउँपालिकामा जित हात पारेको छ । देउवा समूहबाट बागचौरमा दीपेश डिसी, बनगाडमा पुरुषोत्तम आचार्य, छत्रेश्वरीमा सीता केसी, त्रिवेणीमा गंगाराम पुन र कुमाखमा ईश्वरी शाही सभापतिमा निर्वाचित भएका छन् ।
त्यस्तै पौडेलले समूहले सिद्धकुमाख गाउँपालिका, शारदा नगरपालिका नगरपालिका, कपुरकोट गाउँपालिका, कालीमाटी गाउँपालिका र दार्मा गाउँपालिका जित हात पारेको छ ।
जसमध्ये शारदामा दीपक हमाल, कपुरकोटमा यज्ञराज वली, कालीमाटीमा गणेश केसी, दार्मामा कृष्ण वली र सिद्धकुमाखमा वीरबहादुर बुढाथोकी सभापतिमा निर्वाचित भएका छन् ।
रुकुमपश्चिममा पौडेल पक्षको वर्चस्व
रुकुमपश्चिममा जिल्ला सदरमुकाम मुसीकोटबाहेक सबै पालिकामा सहमतिमा नेतृत्व चयन गरिएको जिल्ला उपसभापति धिरेन्द्रकुमार बटालाले जानकारी दिए ।
६ वटा स्थानीय तह भएको रुकुमपश्चिममा संस्थापन पक्षभन्दा पौडेल पक्ष बलियो देखिएको छ ।
सहमति गरिएका पाँचवटा पालिकाहरु चौरजहारी नगरपालिकामा प्रेमबहादुर ओली, आठबीसकोट नगरपालिकामा अमृत बोहरा, बाँफिकोट गाउँपालिकामा जनककुमार बाँठा, त्रिवेणीमा गाउँपालिकामा दीपेन्द्र वली र सानीभेरी गाउँपालिकामा सन्तोष रोका सभापतिमा सर्वसम्मत निर्वाचित भएका हुन् । उनिहरु सबै पौडेल पक्षका हुन् ।
मुसीकोटमा भने सहमति नजुट्दा चुनाव गर्नुपरेको थियो । मुसीकोट नगर सभापतिमा समिरजंग मल्ललाई पराजित गर्दै देउवा पक्षका प्रेम वली विजयी भएका छन् । कुल खसेको २३७ मतमध्ये वली १६० मत ल्याएर विजयी भएका हुन् । उनको प्रतिद्वन्द्वी मल्लले भने ६६ मत मात्र प्राप्त गरेका थिए ।
दैलेखका ६ पालिकामा पौडेल पक्ष निर्वाचित
११ स्थानीय तह रहेको दैलेखमा ६ वटा स्थानीय तहमा वरिष्ठ नेता रामचन्द्र पौडेल पक्षीय सभापति चएन भएका छन् । पाँच वटा स्थानीय तहमा भने देउवा पक्षय सभापति चएन भएका छन् ।
पौडेल पक्षको बलियो पकड क्षेत्र मानिएको पाँच वटा स्थानीयतह नारायण नगरपालिका, चामुण्डा विन्द्रासैनी नगरपालिका, दुल्लु नगरपालिका, आठविस नगरपालिका र डुङ्गेश्वर गाउँपालिकामा देउवा पक्षले आफ्नो वर्चश्व जमाएको छ ।
देउवा समूहबाट नारायणमा मनोज थापा, चामुण्डामा जगतबहादुर शाही, डुङ्गेश्वरमा भीमबहादुर भट्ट, दुल्लुमा लालबहादुर रावत र आठविसमा अर्जुनबहादुर शाही सभापतिमा निर्वाचित भएका छन् ।
त्यस्तै पौडेलले समूहले जिल्लाको महावु पाउँपालिका, गुराँस गाउँपालिका, ठाँटिकाध गाउँपालिका, भगवतीमाई गाउँपालिका, भैरवी गाउँपालिका र नौमुले गाउँपालिकामा जित हात पारेको छ ।
जसमध्ये महावुमा कर्णबहादुर शाही, गुराँसमा चन्द्रबहादुर भट्टराइ, ठाँटिकाधमा विष्णु प्रसाद रिजाल, भगवतीमाईमा खगेन्द्रबहादुर शाही, भैरवीमा हेमलाल जैसी र नौमुलेमा गंगबहादुर शाही सभापतिमा निर्वाचित भएका छन् ।
कालीकोटमा सर्वसम्मत नेतृत्व, पौडेल पक्ष हाबी
नेपाली कांग्रेसले कालीकोटका स्थानीय तहमा सर्वसम्मत नेतृत्व चयन रेको छ । जिल्लाका ९ वटै स्थानीय तहमा सर्वसम्मत नेतृत्व चयन भएको कांग्रेस जिल्ला सभापति हर्ष बलमे जानकारी दिए ।
९ वटा स्थानीय तहमध्ये ७ वटा पालिकामा वरिष्ठ नेता रामचन्द्र पौडेल पक्षले नेतृत्व हात पारेको छ । दुईवटा पालिकाको नेतृत्वमा देउवा पक्षका नेता आएका छन् ।
पौडेल पक्षले नेतृत्व गरेको पालिकाहरू तिलागुफा नगरपालिका, खाँडाचक्र नगरपालिका, पालाता गाउँपालिका, पचालझरना गाउँपालिका, सानी त्रिवेणी गाउँपालिका, महाबै गाउँपालिका र शुभकालिका गाउँपालिकामा रहेका छन् । रास्कोट नगरपालिका र नरहरिनाथ गाउँपालिकाको नेतृत्व देउवा पक्षले हात पारेको छ ।
सभापति बमका अनुसार उनकाअनुसार तिलागुफामा धिरेन्द्र थापा, खाँडाचक्रमा भानुभक्त शर्मा आचार्य, पालातामा धिरबहादुर बम, पचालझरना गाउँपालिकामा प्रजापति संज्याल, सानीत्रिवेणीमा वीरेन्द्र केसी, महाबैमा पुराधी अधिकारी र शुभकालिकामा दीर्घबहादुर शाही सभापति चयन भएका छन् ।
त्यस्तै रास्कोट नगरपालिकामा वीर फर्साल र नरहरिनाथ गाउँपालिकामा रामबहादुर बटाला सभापतिमा चएन भएको सभापति बमले बताए ।
जाजरकोटमा दुवै समूहको बराबरी
जाजरकोटका सात वटै पालिकाको नेतृत्व चयन भएको छ । जिल्लाको जुनीचाँदे गाउँपालिका र भेरी नगरपालिकामा चुनाव भएको नेपाली कांग्रेस जिल्ला सभापति दिपकजंग शाहले जानकारी दिए ।
जिल्लाको जुनीचाँदे, शिवालय पाउँपालिका र छेडागाड नगरपालिकामा देउवा पक्षीय सभापति चएन भएका छन् । जस्मा जुनीचाँदेमा वीरेन्द्र बहादुर शाही, शिवालयमा जस्विर वली र छेडागाडमा टोपेन्द्र अधिकारी चएन भएका छन् ।
भेरी नगरपालिकामा शशि बुढा सभापतिमा निर्वाचित भएका छन् । उनि कुनैपनि समुहमा खुलेका छैन्न् ।
यस्तै, नलगाड नगरपालिकामा जय बहादुर सिंह, बारेकोट गाउँपालिकामा रामचन्द्र ज्योति र कुशे गाउँपालिकाका अमेर बहादुर थापा पौडेल पक्षका सभापति हुन् ।
जुम्लामा पनि पौडेल समूह हाबी
८ वटा स्थानीय तह रहेको जुम्लामा २ स्थानीय तहमा निर्वाचन गरिएको छ भने ६ वटामा सर्वसम्मत नेतृत्व चयन गरिएको छ । चन्दननाथ नगरपालिका र पातारासी गाउँपालिकामा निर्वाचन भएको कांग्रेस जुम्लाका सभापति दिपबहादुर शाहीले जानकारी दिए ।
जिल्लामा देउवाभन्दा पौडेल पक्ष हाबी भएको देखिन्छ । आठ पालिकामध्ये ६ पालिकामा पौडेल पक्षका सभापति चएन भएका छन् भने दुई वटामा देउवा पक्षका सभापतिले जित हात पारेका छन् ।
पौडेलले समूहले चन्दननाथ नगरपालिका, कनकासुन्दरी गाउँपालिका, हिमा गाउँपालिका, तिला गाउँपालिका, तातोपानी गाउँपालिका र पातारासी गाउँपालिका जित हात पारेको छ ।
जसमध्ये चन्दननाथमा रवि थापा, कनकासुन्दरीमा लालु बुढा, हिमामा नरबहादुर शाही, तिलामा भक्तबहादुर रोकाय, तातोपानीमा धनप्रसाद चौलागाँइ र पातारासीमा गोर बहादुर बोहोरा चएन भएका छन् ।
त्यस्तै देउवा पक्षका गुठिचौर गाउँपालिका र सिंजा गाउँपालिकामा सभापती चएन भएका छन् । जसमा गुठिचौरमा टेकबहादुर भण्डारी र सिंजामा गोविन्द शर्मा सभापतिमा निर्वाचित भएका छन् ।
हुम्लामा देउवा पक्षको वर्चस्व
हुम्लाका सातवटै स्थानीय तहको अधिवेशन सम्पन्न भएको छ । ६ वटा स्थानीय तहका सबै पदमा सहमतिका आधारमा नेतृत्व चयन गरिएको छ । सर्केगाड गाउँपालिकामा मात्रै निर्वाचन प्रक्रियाबाट नेतृत्व चयन गरिएको कांग्रेस जिल्ला सभापति जयपति रोकायले जानकारी दिए ।
सातवटा स्थानीय तहमध्ये ६ वटा पालिकामा पार्टी सभापति शेरबहादुर देउवा पक्षले नेतृत्व हात पारेको छ । एउटा पालिकाको नेतृत्वमा वरिष्ठ नेता रामचन्द्र पौडेल पक्षका नेता आएका छन् ।
देउवा पक्षले नेतृत्व हात पारेका पालिकाहरू सिमकोट गाउँपालिका, खार्पुनाथ गाउँपालिका, ताँजाकोट गाउँपालिका, अदानचुली गाउँपालिका, चंखेली गाउँपालिका र नाम्खा गाउँपालिकामा रहेका छन् । सर्केगाड गाउँपालिकाको नेतृत्व पौडेल पक्षले हात पारेको छ ।
सभापति रोकायका अनुसार सिमकोटमा धर्मराज रोकाय, खार्पुनाथमा टेकबहादुर शाही, ताँजाकोटमा कृष्णबहादुर मल्ल, अदानचुलीमा विष्णु भण्डारी, चंखेलीमा नरबहादुर भण्डारी र नाम्खामा सोनम लामा सभापति चयन भएका छन् ।
यस्तै सर्केगाड गाउँपालिकामा पौडेल पक्षका धनराज शाही ७० मतसहित सभापतिमा चयन भएका छन् । उनका प्रतिद्वन्दी देउवा पक्षका बल खत्रीले ६३ मत प्राप्त गरेका छन् ।
मुगुमा देउवा पक्ष हाबी
मुगुका चार स्थानीय तहमध्ये तीन स्थानीय तहमा सर्वसम्मतिबाट नेतृत्व चयन भएको छ । छायानाथ रारा नगरपालिकामा भने मतदान गरिएको जिल्ला सभापति ऐनबहादुर शाहीले जानकारी दिए ।
सर्वसम्मतिबाट नेतृत्व चयन गरिएका सोरु गाउँपालिका, खत्याड गाउँपालिका र मुगुमकार्मारोङ गाउँपालिकामा देउवा पक्षीय सभापति चएन भएका छन् । छायानाथ रारा नगरपालिकामा भने पौडेल पक्षीय सभापति चएन भएका छन् ।
सोरुमा कुवेरजंग शाही, खत्याडमा लोकराज दाहाल र मुगुमकार्मारोङमा गारा तामाङ निर्विरोध सभापति पदमा निर्वाचित भएका हुन् ।
from Online Khabar https://ift.tt/3ih5Ax0
एनआरएनए नेतृत्वका लागि बद्री केसीले बनाए प्यानल
बार्सिलोना । गैरआवासीय नेपाली संघ (एनआरएनए) अध्यक्षका प्रत्यासी डा.बद्री केसी प्यानलसहित प्रतिस्पर्धामा उत्रिएका छन्। राजनीतिक, क्षेत्रगत र जनजातिको सहभागिताको हिसाबले पनि आफूहरुले समावेशी समूह बनाएको डा. केसीले दाबी गरेका छन्।
वर्तमान कार्यसमितिका उपाध्यक्षसमेत रहेका डा. केसीले आफ्नो एजेण्डासँग सहमत उम्मेदवारहरुलाई साथमा लिएर औपचारिक रुपमा उम्मेदवारी घोषणाको अन्तिम तयारीमा रहेको बताउँछन् ।
अनलाइनखबरसँग कुराकानी गर्दै उनले भने, ‘हरेक व्यक्तिको आस्था वा राजनीतिक विचारधारा हुन्छ । एनआरएनमा राजनीतिक विचारधारा नल्याइकिन कमसेकम स्वतन्त्र भएर काम गर्नका लागि नै सबै राजनीतिक विचारधाराका सबै मान्छेहरुलाई समेटेकै हो।’ उनले आफ्नो एजेण्डासँग सहमत उम्मेदवारहरुलाई साथमा लिएको भन्दै यसलाई प्यानलको रुपमा लिन नहुने बताए।
समूह निर्माण गर्नु विधान विपरीत भएन र भन्ने प्रश्नमा डा. केसीले भने, ‘एजेण्डासँग सहमत उम्मेदवारहरुलाई समेटेका हौं। निर्वाचनको प्रक्रिया हुँदै गर्दा सबै क्षेत्रलाई समेट्नको लागि यो प्रयास थालिएको हो।’ यसलाई प्यानलको रुपमा बुझ्नुहुँदैन भन्दै डा. केसीले आफ्नो समूहको बचाऊ गरे।
एनआरएनए विधानमा प्यानलसहित निर्वाचन लड्न मनाही छ। तर संघका केन्द्रीय पदाधिकारी उम्मेदवारहरुले विधानमा उलङ्घन गर्दै प्यानलसहित चुनावी प्रतिस्पर्धा गर्दै आएको इतिहास छ। दशौं अन्तर्राष्ट्रिय महाधिवेशनमा अध्यक्षका अन्य प्रत्यासीहरु बेलायतका कुल आचार्य र अमेरिकाकी रविना थापाले पनि प्यानलको टुङ्गो लगाउन ब्यस्त देखिएका छन्।
को – को छन् डा. केसी समूहमा ?
डा. केसी समूहबाट ६ जना उपाध्यक्षहरु (एक महिला र एक युवा अनिवार्य) उम्मेदवारहरुको टुङ्गो लागेको छ। उपाध्यक्षका उम्मेदवारहरुमा डा. हेमराज शर्मा (यूके), महेश कुमार श्रेष्ठ (जापान), डिबी क्षेत्री(ओमान) र धर्मराज अधिकारी (अष्ट्रेलिया) रहेका छन् । महिला उपाध्यक्षमा यसमिन बेगम सैयदले (साउदी अरब) र युवा उपाध्यक्षमा रोशन थापा (अफ्रिका) बाट उम्मेदवारी दिने भएका छन्।
अमेरिकी क्षेत्रबाट महासचिवमा गौरीराज जोशीलाई अघि सार्ने तयारी डा. केसी समूहले गरेको छ। जोशी वर्तमान कार्यसमितिका सचिव समेत हुन्।
एक महिला अनिवार्यसहितको ४ जना सचिव पदका उम्मेदवारहरुमा रामशरण सिम्खडा (यूके), चिरन्जीबी घिमिरे (क्यानाडा), ओम गुरुङ (जापान) र महिलातर्फ राधिका (टिका) गुरुङ (हङकङ) रहेका छन्।
कोषाध्यक्ष पदमा लोकप्रसाद दाहाल (बेल्जियम) को नाम तय भएको छ । सहकोषाध्यक्ष पदको उम्मेदवार भने टुंग्गो लगाउन बाँकी छ । तर महिला सहकोषाध्यक्षमा भने यमुना भट्टराई (अमेरिका) को नाम चयन भएको छ । यस्तै, महिला संयोजकमा संगीता मरहठ्ठा (यूके) र युवा संयोजकमा मिलन छन्त्यालको (आयरल्याण्ड) ले उम्मेदवारी दिने भएका छन्।
केसीको चलाखी: समूह निर्माणमा राजनीतिक गठबन्धन
डा. केसी समूहले चलाखीपूर्वक राजनीतिक गठबन्धन मिलाएर समूह बनाएको छ। केसी समूहमा प्रजातान्त्रिक विचारधारका डा. हेमराज शर्मा, महेश श्रेष्ठ, यसमिन बेगम र रोशन थापालाई समेटेको छ । नेकपा (माओवादी केन्द्र) निकटको डिबी क्षेत्री, लोक दाहाल,ओम गुरुङ, मिलन छन्त्याल र संगीता मरहठ्ठा रहेका छन्।
अष्ट्रेलियाका धर्मराज अधिकारीलाई माधव नेपाल समूह अर्थात नेकपा एमाले (समाजवादी) निकटको रुपमा हेरिन्छ। नेकपा एमाले निकटका रुपमा रामशरण सिम्खडा, चिरन्जीबी घिमिरे रहेका छन्। त्यसो त अध्यक्षका प्रत्यासी स्वयं डा. केसी पनि एमाले निकटका रुपमा बताइन्छ । तर उनले आफूलाई एनआरएन संस्थापन पक्षको उम्मेदवारको रुपमा दाबी गर्छन्। यद्यपि नेपाली कांग्रेसले अध्यक्षका उम्मेदवार कुल आचार्यलाई समर्थन गर्ने निर्णय गरिसकेको छ।
आगामी अक्टोबर २३-२५ सम्म काठमाडौंमा हुने दशौं विश्व सम्मेलनले संघको नयाँ नेतृत्व चुन्नेछ। नेतृत्वका लागि केसी,आचार्य र थापाबीच त्रिपक्षीय प्रतिस्पर्धा हुँदैछ।
केसी समूहबाट युरोप संयोजकमा भट्टराई कि तिमिल्सिना ?
बद्री केसी समूहले क्षेत्रीय संयोजक र उपसंयोजकबारे पछि निर्णय गर्ने बताएपनि युरोप क्षेत्रको चर्चा भने चुलिएको छ। केसी समूहबाट युरोप संयोजकका लागि जर्मनीका सन्तोष भट्टराई र बेलायतका कृष्ण तिमिल्सिनाले दावी गरिरहेका छन्।
डा. केसीले भट्टराईलाई अघि सार्न चाहेको भएपनि उनको टिमका अधिकांशको समर्थन तिमिल्सिनालाई रहेको छ। भट्टराई नेकपा एमाले निकटका उम्मेदवारको रुपमा चिनिन्छन् ।
युरोपभर रहेका प्रबासी नेपाली मञ्चको समर्थन भट्टराईलाई रहेको छ। डा. केसीले आफूलाई निर्वाचनमा कत्ति पनि धक्का नपुगोस् भनेर भट्टराईलाई रोजेको बताइन्छ। त्यसैले तिमिल्सिनालाई सहकोषाध्यक्ष पदमा सहमत गराउनकै लागि हाललाई पद खाली राखिएको स्रोतको दावी छ।
तर अध्यक्षका प्रत्यासी डा. केसीले भने, ‘हामीले आरसी बारे निर्णय गरिसकेका छैनौ। उहाँहरु दुईजना मध्ये एकजनालाई अघि सार्छौ। केही दिनभित्रमा नै निर्णय गर्छौ।’ उनले सह कोषाध्यक्ष पदमा तीनजना भन्दा बढी आकांक्षी भएकाले हाललाई निर्णय नभएको बताए।
वर्तमान उपसंयोजक रहेका तिमिल्सिना शालीन स्वभावका कारणले पनि युरोपका गैर आवासीयहरुबीच लोकप्रिय छन्। हालसम्म उनि पनि युरोप संयोजकको उम्मेदवारी पछि नहट्ने मनस्थितिमा रहेको बताइन्छ।
from Online Khabar https://ift.tt/2Y303TY
Google Doc की शानदार ट्रिक! अलग-अलग भाषाओं में बोलकर करें टाइपिंग, हिंदी की भी सुविधा
गूगल डॉक्स (Google Docs) पर ‘वॉइस टाइपिंग’ (Voice Typing) नाम का एक फीचर शामिल किया था, जिसका इस्तेमाल करके यूज़र्स अपनी आवाज के साथ कई भाषाओं में टाइपिंग कर सकते हैं.
from Latest News मोबाइल-टेक News18 हिंदी https://ift.tt/3EZC74e
from Latest News मोबाइल-टेक News18 हिंदी https://ift.tt/3EZC74e
Monday, September 27, 2021
Jamiroquai - When You Gonna Learn Lyrics
Read Jamiroquai - When You Gonna Learn lyrics at eLyrics.net.
source https://www.elyrics.net/read/j/jamiroquai-lyrics/when-you-gonna-learn-lyrics.html
source https://www.elyrics.net/read/j/jamiroquai-lyrics/when-you-gonna-learn-lyrics.html
Jay Black - This Magic Moment Lyrics
Read Jay Black - This Magic Moment lyrics at eLyrics.net.
source https://www.elyrics.net/read/j/jay-black-lyrics/this-magic-moment-lyrics.html
source https://www.elyrics.net/read/j/jay-black-lyrics/this-magic-moment-lyrics.html
Benny Hester - Nobody Knows Me Like You Lyrics
Read Benny Hester - Nobody Knows Me Like You lyrics at eLyrics.net.
source https://www.elyrics.net/read/b/benny-hester-lyrics/nobody-knows-me-like-you-lyrics.html
source https://www.elyrics.net/read/b/benny-hester-lyrics/nobody-knows-me-like-you-lyrics.html
Sabaton - Burn Your Crosses Lyrics
Read Sabaton - Burn Your Crosses lyrics at eLyrics.net.
source https://www.elyrics.net/read/s/sabaton-lyrics/burn-your-crosses-lyrics.html
source https://www.elyrics.net/read/s/sabaton-lyrics/burn-your-crosses-lyrics.html
Passenger - Let Her Go Lyrics
Read Passenger - Let Her Go lyrics at eLyrics.net.
source https://www.elyrics.net/read/p/passenger-lyrics/let-her-go-lyrics.html
source https://www.elyrics.net/read/p/passenger-lyrics/let-her-go-lyrics.html
Sunday, September 26, 2021
Subscribe to:
Posts (Atom)