इन्टरको विजयी सुरुआत

६ भदौ, काठमाडौं । इटालियन सिरी ए को साविक विजेता इन्टर मिलानले नयाँ सिजनमा सुखद सुरुआत गरेको छ । लिग अन्तर्गत शनिबार राति भएको पहिलो खेलमा इन्टलर जेनोअलाई ४-० ले पराजित गरेको हो ।

घरेलु मैदानमा भएको खेलमा यन्टरले दुवै हाफमा समान दुई गोल गरेको थियो ।

खेलको छेटौं मिनेटमै मिलान स्क्रिनिएरले हाकन चाल्हनोग्लुको पासमा गोल गर्दै अग्रता दिलाएका थिए । १४औं मिनेटमा हाकनले एडेन जेकोको पासमा गोल गर्दै अग्रता दोब्बर पारे ।

७४औं मिनेटमा अर्टुरो भिदालले निकोलो बरेयाको पासमा गोल गरे । यस्तै जेकोले ८७औं मिनेटमा भिदालको पासमा गोल गरेपछि इन्टरले ४-० को सहज जित हात पारेको हो ।

सिरी ए कै अन्य खेलमा लाजियोले एम्पोलीलाई ३-१ ले, एनलान्टाले टोरिनोलाई २-१ ले र ससुलोले भेरोनालाई ३-२ ले पराजित गरेको छ ।

from Online Khabar https://ift.tt/2Wb8ICk