कोपा अमेरिका फुटबल : पेरु क्वाटरफाइनलमा, भेनेजुएला बाहिरियो

१४ असार, काठमाडौं । पेरु ब्राजिलमा भइरहेको कोपा अमेरिका फुटबलको क्वाटरफाइनलमा प्रवेश गरेको छ ।

सोमबार बिहान भएको समूह चरणको अन्तिम खेलमा भेनेजुएलालाई १-० ले पराजित गर्दै पेरुले अन्तिम आठमा स्थान पक्का गरेको हो ।

ब्रासिलियामा भएको खेलमा पेरुको लागि आन्द्रे कारिल्लोले निर्णायक गोल गरे । उनले खेलको ४८ औं मिनेटमा गोल नै निर्णायक बनेको थियो ।

यस जितपछि पेरु समूह ‘बी’ मा ७ अंक जोड्दै उपविजेता बनेको छ । पेरुले ४ खेल मध्ये २ खेल जित्दा एक बराबरी र एक हारको नतिजा निकालेको हो ।

उता जितविहीन भेनेजुएला भने अन्तिममा रहँदै समूह चरणबाटै बाहिरिएको छ । भेनेजुएलाले ४ खेल मध्ये २ बराबरी र २ हारबाट जमेमा २ अंक जोडेको थियो ।

from Online Khabar https://ift.tt/3w0AZrw