२४ पुस, बुटवल । एमाले कार्यकर्ताले इलाका प्रशासन कार्यालय बुटवलमा तालाबन्दी गरेका छन् ।
रातको समयमा कार्यालय खोलेर फोटोसहितको मतदाता नामावली संकलनको काम गरेको आरोप लगाउँदै उनीहरूले तालाबन्दी गरेका हुन् ।
विवादपछि मतदाता नामावली संकलन गर्न प्रयोग भएका कागजात तथा ल्यापटपलगायतका सामग्री आइतबार सर्वपक्षीय सहमतिमा खोल्ने गरी कोठामा बन्द गरिएको छ ।
तालाबन्दीसँगै मतदाता नामावली भर्न आएका १५० बढी सर्वसाधारणलाई घर फर्काइएको थियो ।
शुक्रबार राति साढे १० बजेसम्म नेपाली काँग्रेसका नेताको उपस्थितिमा मतदाता नामावली संकलन गर्ने काम भएको थाहा पाएपछि तालाबन्दी गरेको एमाले बुटवलका नेता बाबुराम पन्थीले बताए ।
गृह प्रशासनको आडमा मधयरातसम्म कार्यालय खोलेर कांग्रेस निकटका नेताहरूले आˆना कार्यकताहरुलाई मतदाता नामावली भराउने काम गरेको पन्थीको आरोप छ ।
इलाका प्रशासन कार्यालयकी कर्मचारी विपना अर्यालले नियम विपरीत काम नगरिएको तर सर्वसाधारणको चाप बढी भएकाले रातिसम्म काम गर्नुपरेको बताइन् ।
तालाबन्दी र मतदाता नामावलीमा फोटो खिचाउने सम्बन्धमा आफूलाई कुनै जानकारी नभएको कांग्रेसका बुटवल उपमहानगर सभापति खेलराज पाण्डेले बताए ।
from Online Khabar https://ift.tt/3t93A06
No comments:
Post a Comment