२८ चैत, काठमाडौं । प्रिमियर लिगको उपाधि होडमा रहेका दुई क्लब म्यानचेष्टर सिटी र लिभरपुलले आइतबार २-२ को बराबरी खेल्दै अंक बाँडेका छन् । बराबरीपछि सिटी पहिलो र लिभरपुल दोस्रो स्थानमै यथावत छन् ।
सिटीले घरेलु मैदानमा दुई पटक अग्रता लिएपनि जोगाउन सकेन भने लिभरपुलले दुई पटक पुनरागमन गर्दै अंक खोसेको हो ।
खेलको पाँचौं मिनेटमै केभिन डी ब्रुएनले गोल गर्दै सिटीलाई सुरुआती अग्रता दिलाएका थिए । तर अग्रता लामोस यम टिकेन । १३औं मिनेटमा डिएगो जोटाले लिभरपुलका लागि बराबरी गोल फर्काए ।
गाब्रीएल जेससले ३६ औं मिनेटमा गोल गर्दै सिटीलाई २-१ को अग्रता दिलाए ।
तर दोस्रो हाफको पहिलो मिनेटमै साडियो मानेले गोल गरेपछि लिभरपुलले दोस्रो पटक खेलमा पुनरागमन गर्यो ।
त्यसपछि ६३औं मिनेटमा सिटीका रहिम स्ट्रर्लिङले गोल गरेपनि भिएआरले अफसाइट देखाए पनि मान्यता पाएन ।
यस बराबरीले लिगको उपाधि होड थप रोमान्चक बन्दै गएको छ । सिटी र लिभरपुलबीच जम्मा एक अंकको मात्र अन्तर छ । ३१ खेलपटि सिटीको ७४ अंक र लिभरपुलको ७३ अंक छ ।
from Online Khabar https://ift.tt/H7IdhVB
No comments:
Post a Comment